جمبري

طريقة عمل جمبري بالكنافة

الكمية تكفي 5 فرد
وقت التحضير 15 دقيقه
وقت الطهي 20 دقيقه
المقادير كيلو جمبرى مقشر ونظيف
واحد ونصف كوب كاتشب
2معلقه هوت صوص
صويا صوص
2ملعقه زيت سمسم
2ملعقه سكر
ديجنجرفرش اوجنزبيل فرش
ملح
فلفل
فص ثوم
كنافه ترح
التحضير نضع كل المكونات فى الخلاط ماعدا الجمبرى والكنافه
نخلطهم ونقسمهم نصفين
نضع نصف الكميه على الجمبرى لنتبله بها لمده ساعه
ثم نحشى الكنافه بالجمبرى اصابعمثل ورق العنب

نحضر نصف التتبيله السابقه نضع عليهاسكر ومعلقه خل
ونخلطم بالخلاط
ونسكبهم فى طبق التقديم
الطهى نحمر الكنافه فى الزيت
وعند الاكل نغمس الكنافه المحشيه بالصوص

طريقة عمل كبيبة جمبري وكاليماري محشي

كمية تكفي 6 فرد
وقت التحضير 120 دقيقه
وقت الطهي 0 دقيقه
المقادير كاليماري
رز
فلفل الوان
كزبرة خضراء
كركم
ملح وفلفل وتوابل
قرفة
بصلة
فصين توم
قطع جمبرى صغيرة

صغيرة
التحضير —
الطهى النسبة للكاليماري

كاليماري +رز +فلفل الوان+كزبرة خضراء+كركم+ملح وفلفل وتوابل+قرفة+بصلة +فصين توم+قطع جمبرى

صغيرة

اولا نشوح البصل والفلفل ثم التوم وبعدين نحط الرز بس يكون منقوع ومصفي
ثم نضع الرز ونشوحه وقطع جمبرى وبعدين نسقيه يا دوب نغطيه لحد ما يتشرب وبعدين نسيبه يبرد زي كده
وبعدين نجيب الكاليماري المغسول ومنقوع في ماء وخل ونبداْ نحشيه بس ما نملاهوش وندكه قوي
وبعدين نقطع حلقات بصل وفلفل ونحطها في طاسة وشوية ماء وملح وفلفل ونرص الكليماري
ونسيبه عشر دقايق ولما يستوي نشيله في طبق
وهنا نجهز الكبيبة ودي بقي سهلة جدا

نص كيلو جمبري+بقدونس+فلفل احمر حلو وفلفل حار+بصلة +3 فص توم+ربع معلقة كمون+ربع معلقة فلفل+ربع معلقة قرفة+2 معلقة بقسماط مطحون+بيضة
طبعا ننضف الجمبري ونجيب الكبة ونبداْ نحط جمبري مع التوابل وبقدونس والبصل والتوم الفلفل الحلو ونطحنه نص طحنه يعني يبقه فيه حتت وبعد كده ناخده في طبق ونحط عليه البيضة والبقسماط
وبعدين نحطه ساعة في الفريزر وبعدين نجيب معلقة وناخد جزء
ونحطه في دقيق وبيض وبقسماط وبعدين نحطها في الفريزر ربع ساعة قبل التحمير
ثم تحمر في زيت ومعلقة سمن

وبالنسبة للسبيط نحمره في زيت ومعلقة سمن علي نار هادية جدااااااااا

وقدمتهم مع سلطة طحينة وعيش وده شكلهم وبالف هنا

طريقة عمل جمبري بالصوص ومكعبات البطاطس وجمبري بانيه

الكمية تكفي 4 فرد
وقت التحضير 60 دقيقه
وقت الطهي 45 دقيقه
المقادير كيلو جمبري
فلفل اسود
كمون كزبرة
بهارات سمك
زعتر شطة
ليمون خل
فلفل اخضر متقطع
اطس متقطعة مكعبات
ترنشات بصل
التحضير حوالى كيلو جمبري واللى عندى كان هاف جامبو وانا قطعته عشان يكون احلى
بس قبل مقطعة بنعمل اهممممممممممممممممممم خطوة وهى
انك لالالالالازم تشيلي الخط الاسود من الظهر والبطن
دة اللى بيعمل الزفاره
وبيكون ملاحظ فالجمبري الجامبو اكتر
بتفتحى الظهر بظافرك مثلا وتيليه
خط البطن باردو شيليه
وبعد كدة اغسلية اكتر من مرة فى مية وملح ثم التقطيع
الطهى
ننيجى بقة لاول طبق وهو الجمبري بالصوص والمكعبات
طبعا انا قسمة الجمبري
نصين
نص للصوص ونص للبانية

نحضر الطاسه فيها قليل من زيت الزيتون ونبدا بالبصل ثم الفلف ثم البطاطس وطبعا البهارات
اول ميبداو فتغيير اللون وعمل الصوص
انزلى بالجمبرى ع طول
ضعى البصل والفلفل شوية تثم البطاطس والبهارات
سبيهم شوية ع النار لحد ملون البطاطس يصفر شويه
وبعد كدة حطى الخضره
يخدو شويه ع نار ثم ضيفى الجمبري
وظبطى البهارات وغطى عليهم
وتعالى بقة نعمل خلطة البانيه

المقادير
2 بيضه
جوالى 2 معلقة دقيق او اكتر
خضره
مفروم بصل
طبعا الجمبري**الكمية اللى تحبيها**
وطبعا شوية بهارات

هتخلطى كلله مع بعضة مع الجمبري وتسبيهم شويه
هتجيبى حلة كبيرة غةيطة او طاسة زى متحبي
وظبطى الزيت بتاعك
انا بستعمل زيت زيتون
وركزى بقة فالخطوة الجاااايه
عارفة قرص الطعمية؟؟
هتعملى مثله
هتغرفى بالمعلقة وترمى فالزيت
متقلقيش ومتفكريش مش هيمسك نفسة!
لا هيمسك كويس اوى
اول ميبدأ يتحمر اقلبية ع الناحية التانية
وكدة لحد ما يتعمل مثل قرص الطعمية
ويكون جاهز
طبعا كنت عملت الارز عادى ابيض بالشعيرية
كدة الجمبرى بالصوص خلص
والحمد لله خلصت

طريقة عمل جمبري بانيه

الكمية تكفي 4 فرد
وقت التحضير 60 دقيقه
وقت الطهي 15 دقيقه
المقادير كيلو جمبري جامبو
بيض
دقيق ممكن تستعملي بقسماط بس الدقيق بيمسك اكتر
توابل سمك
التحضير طبعا حنشيل كيس الرمل اللي ورا ونغسله كويس قوي
الطهى اول حاجة حنضيف التتبيلة للجمبري
ونتركه ربع ساعة علي شان يتشرب التتبيلة
بعد كدة ناخد الجمبري ونحطه في الدقيق
حنغمس الجمبري كويس بالدقيق
ونرفعه ونحطه في البيض
كدة بقي نشيله ونحطه تاني بالدقيق ونتركه لمدة نصف ساعة بالتلاجة علي شان الخلطة متسقطش منه عند القليه
بعد النص ساعة حناخده علي القلي علي طوووووووووووووول
نحاول منضغطش عليه بالسوا جامد علي شان مينشفش
ويبقي حلو زيكو يا قمرات
يارب يعجبكوا

طريقة عمل جمبري بالبطاطس

الكمية تكفي 4 فرد
وقت التحضير 60 دقيقه
وقت الطهي 30 دقيقه
المقادير نص كيلو جمبري
و3او 4 بطاطسيات
و 2 طماطم
وفصين توم
و3 بصلات
وملح وفلفل اسود
وفلفل اخضر
التحضير اول حاجة هنجيب البطاطس ونقطعها مكعبات
وبعدين نجيب بصل ونقطعة
الطهى وبعدين نحط شوية زيت ع الناااااااااااار ونشوح فيهم البصلة بس تدبل متحمرش اووووووى
وبعدين نحط عليه البطاطس ونسيبه شوية ع نار هاديه

وطمطمايتين نبشرهم

وبعدين نحط الفلفل والطماطم والجمبري ونسيهم ع الناااااار

وبعدين هتلاقي الجمبري نزل ميته كدة وكله هيغلي مع بعضه بس كل شويه قلبوة عشان ميلزقش
لحد ما يستوى وبالهنا

طريقة عمل جمبري برياني للشيف شربيني

الكمية تكفي 0 فرد
وقت التحضير 0 دقيقه
وقت الطهي 0 دقيقه
المقادير 1كيلو جمبري
بصله كبيره او 2متوسطين
4فص توم وملعقه كبيره من الجنزبيل الطازج المفروم او نصف ملعقه من الجنزبيل البودره
ملعقه كبيره من النعناع الطازج مفرومه
باقه من الكزبره الخضرا
1فلفل اخضر حامي
2ملعقه كبيره من الطماطم البيوريه
ملح _ رشه فلفل اسود _ملعقه صغيره من كل من الكمون_الكاري_الكركم_الكزبره الناشفه

2كوب رز بسمتي
زيت
التحضير يقشر الجمبري ويزال كيس الرمل اللي في الظهر ويغسل جيدا
يفرم البصل ويوضع علي النار مع الزيت
يقلب البصل الي ان يدبل ويكون لونه اصفر فاتح
يضاف التوم والجنزبيل والفلفل الحامي ويقلب دقيقتين ثم بيوريه الطماطم والنعناع والكزبره الخضرا
ثم يضاف الملح والفلفل وباقي التوابل
ثم نضع الجمبري ونقلب المكونات جيدا لمده دقيقتين
ثم نضع كوب من الماء
ونتركه الي ان ينضج حوالي ربع ساعه لان الجمبري لايحتاج لوقت في نضجه
نكون مجهزين رز ابيض مستوي بالطريقه العاديه
لو عندك زعفران انقعي رشه صغيره جدا مع نصف ملعقه من ماء الزهر وقليل من الماء ولو مش عندك بتجيبي من عند العطار لون اصفر اسمه لون صفار الزعفران ولون احمر خاصين بالطعام ودوبي قليل منهم مع قليل من الماء ورشيهم علي الرز وهو ساخن

قلبي الرز لكي تختلط الالوان
ضعي نصف مقدار الرز في طبق التقديم ثم خليط الجمبري مع ترك القليل من الجمبري للوجه
ثم ضعي باقي مقدار الرز
ثم الجزء المتبقي من الجمبري وزيني الطبق حسب الرغبه
الصوص الخاص بالبرياني وهو زبادي بالكزبره الخضرا وصوص طماطم
صوص الزبادي مكون 2فص توم مفروم_ملعقه كبيره من الخل _2ملعقه كبيره من الكزبره المفرومه_3ملعقه من الماء _ملح بنضعهم في الخلاط الي ان يصبحوا سائل متجانس ثم نضعهم علي2 علبه من الزبادي

صوص الطماطم مكون من 2طماطم حمرا كبيره _1فلفل اخضر رومي_ملعقه صغيره من الفلفل الاخضر الحامي_2فص توم _بصله متوسطه_ملح وكمون وربع كوب ماء و2ملعقه كبيره من الخل ونضعهم كلهم في قطاعه البصل او الكبه مش في الخلاط الي ان يتم تقطيعه قطع صغيره

 

Be the first to comment

Leave a Reply