حلويات

طريقة عمل كنافه بالقشطه

الكمية تكفي 6 فرد
وقت التحضير 10 دقيقه
وقت الطهي 20 دقيقه
المقادير نص كيلو كنافه
مكسرات وجوز هند وزبيب
5 ملاعق كبيره قشطه الى هى وش اللبن الحليب بعد ما بنغليه ونسيبه يبرد فى التلاجه
2 معلقه سمن
2 معلقه كبير سكر
شربات حسب الرغبه
التحضير نفرك الكنافه وياريت تكون مجمده فى الفريزر عشان تبقه سهله فى التكسير
نضع معلقه من السمن فى الصينيه ثم نضع نصف مقدار الكنافه
ثم القشطه والمكسرات والزبيب وجوز الهند ومعلقتين السكر
ثم باقى الكنافه
ولو لاحظتوا اننا مش هنضيف اى سمن على الكنافه لان بداخلها قشطه
وبعد ما نرتب الكنافه كويس فى الصينيه مع الضغط عليها بخفه
نبتدى نسويها على النار وتكون النار هاديه
الطهى ونلف الصينيه على شعلة النار من جميع الجهات عشان نضمن ان الكنافه احمرت كويس
واول ما نلاحظ انها احمرت نجيب صينيه مسطحه ونضعها فوق صينية الكنافه
وبعدين نقلبها عشان نحمر الوش التانى
وقبل ما نضعها مره تانيه فى الصينيه نضع معلقه السمن
ونسويها زى ما سوينا الطبقه الاولى
واول ما تحمر نطفى ونسقيها بالشربات البارد وتقدم فورا وبالهنا والشفاء

طريقة عمل فينو مقلي باللبن

الكمية تكفي 6 فرد
وقت التحضير 10 دقيقه
وقت الطهي 10 دقيقه
المقادير فينو بايت
لبن
فانيليا
بيضه
التحضير قطعت القشرة الخارجيه للفينو
كسرت البيضه على اللبن وحطيت الفانيليا
قلبتهم مع بعض
الطهى غمرت الفينو فى خليط البيض باللبن
قليته فى زبده وزيت سخن

طريقة عمل كيكة التفاح بالكراميل

الكمية تكفي 6 فرد
وقت التحضير 10 دقيقه
وقت الطهي 30 دقيقه
المقادير 5 بيض / كوب سكر / 3كوب دقيق-ثلاث ارباع كوب زيت-كوب حليب
شرائح تفاح مقطع / معلقه كبيره بيكينج بودر / فانيليا
لعمل الكراميل
كوب سكر / 5 ملاعق ماء
التحضير ترك السكر والماءعلى النار حتى يتكون الكراميل ويتر ك ليبرد ثم نرص وحدات االتفاح
ثم نضرب السكر مع الزيت فى الخلاط ثم نضيف له البيض والفانليا
ثم الحليب ويضرب الجميع جيدا
ثم ينخل الدقيق والبيكنج بودر ويضاف له الخليط السائل
الطهى ثم يضاف الخليط على الصينيه الى تم فرد الكراميل فيها وتم رص وحدات التفاح
تدخل الصينيه فى فرن متوسط الحراره

طريقة عمل سويسرول من بواقي الكيك

الكمية تكفي 8 فرد
وقت التحضير 20 دقيقه
وقت الطهي 0 دقيقه
المقادير بواقي كيك
صوص الشكولاته
كريم شانتيه للحشو
التحضير سويسرول من بواقي الكيك البايت عندك او اللى خرج من الفرن شكله مش عاجبك
نحضر كميه من صوص الشكولاته وكريم شانتيه
الطهى للحشويتم تفتيت الكي?ك ونضيف له قليل من صوص. الشكولاته?
ونفرده علي كيس ونفرد طبقه الكريم شانتيه
ونلفها رول ونضعها في الثلاجه
ثم يتم تزوقها بصوص الشكولاته وتذوقها حسب الرغبه الرغبه
ثم تقطيعها
وتقدم بالهنا والشفا

طريقة عمل من بواقى كيكية عملت احلى تشيز كيك

الكمية تكفي 5 فرد
وقت التحضير 10 دقيقه
وقت الطهي 20 دقيقه
المقادير بواقى كيك-شيكولاته سايحه-مكسرات
كريم شانتيه-باسترى كريم-
جيلى-اى نوع فاكهه
التحضير انا كنت عامله كيكة وقعدت فترة وبقت طبعا مش لذيذه زى اول مانعملت فاستخسرت ارميها طبعا فجاتلى هذة الفوكيرة نفذتها وقد كان
اولا الطبقه الاولى كانت الكيكة فرمتها فى الكبه وحطيت عليها شيكولاته سايحه مع مكسرات وغلفت صينيه بالفوسل عشان معنديش حاليا صوانى التشيز كيك وحطيتها هى اول طبقه وضغط عليها كويس جدا
لطبقه التانيه فى الكبه ضربت كريم شانتى مع باسترى كريم بالماء المثلج وقطعت قطع بوريو مع م جيلاتين فى ربع كوب ماء دافى وكل هفى الكبه ونزلتهم على طبقه الكيك
الطهى دخلتها الفزيزر ربع ساعه وبعدين رصيت عليها قطع الموز ودخلتها الفريزرلا تانى
عملت باكو الجيلى بكوب ماء واحد فط عشان يبى تيل ومايرفطش مننا واحنا بنقطعها واول مابرد خالص نزلته بالراحه خالص على طبقه التشيز ودخلته اتلاجه يجمد براحته خالص
اه الجيلى كان بطعم البرتقال

طريقة عمل كيكة قدرة قادر

الكمية تكفي 6 فرد
وقت التحضير 20 دقيقه
وقت الطهي 60 دقيقه
المقادير الكيكه

2 كوب دقيق + كيس بيكنج باودر + كوب لبن + 3 بيضات + كوب سكر
+ كيس فانيلا + نص كوب سمنه
+ كاكاو او شكولاته انا عملت بشكولاته ال كانت عندى شكولاته خام
وع الخلاط
مقادير الكريمه
2 كوب لبن معاهم + 4 بيضات + كوب سكر بودره
كيس فانيلا + معلقة بشر برتقال
التحضير بنسيح تلات اربع كوباية سكر وممكن تضيفى معلقة ميه عشان تسيب معاكى
على نار متوسطه وتفضلى جنبها وتقلبى عشان متتحرقش
وده الكراميل
الكريمه
بعد ما ضربتها فى الخلاط
والله يا جماعه يفضل متتعملش ف الخلاط عشان بتعمل فقاقيع
ف الكريمه شكل بتاعتى انا سمعت النصيحه دى من سى بى سى سفره
المره الجايه هضربها بايدى
الكيكه
تجهز بالطريقه المعتاده
بعد كده جبت القوالب وحطيت معلقة كبيره كراميل تحت وبعديها الكريمه
وبعد كده الكيكه
الطهى نيجى للفرن بقا
درجة الحراره 180 ال معندهاش تايمر تعمله على نار متوسطه
لمدة ساعه بالظبط تفتحى عليها
وضروررررررررى جدا الميه تبقا تحتها كتييييير وتحطي ف الميه مناديل
ودى والقالبين ف الفرن طبعا الميه نشفت خالص
المقدار ده عملى تلات قوالب كبار و3 بتوع الجيلى

طريقة عمل كيكة جوز الهند

لكمية تكفي 4 فرد
وقت التحضير 10 دقيقه
وقت الطهي 30 دقيقه
المقادير كوب دقيق
كوب لبن او علبة زبادى
كوب الا ربع سمن او زيت
كوب سكر
3 بيضات
كيس فانيليا
باكو بيكنج بودر او كيك شيف
2 كوب جوز هند
زبيب للتزيين او اى مكسرات

مقادير الشربات :

كوب ماء على كوب سكر تقلبيهم على النار وتضيفى ليمونه لحد ما يعقد وتسيبيه يبرد
التحضير فى الخلاط الكهربائى هتضيفى اللبن مع السكر مع السمن وتضربيهم كويس
بعدها تضيفى عليهم البيض والفانيليا وتضربيهم
وعليهم الدقيق والبيكنج بودر وتضربيهم
وتصبيهم فى طبق بلاستيك وتضيفى عليهم جوز الهند وتقلبيهم بايدك او بمعلقه خشب فى اتجاه واحد
وتصبيهم فى صينيه مدهونه سمن ومبطنه بالدقيق
الطهى تدخليها الفرن لمده ساعه الا ربع
وطبعا ماتفتحيش الفرن قبل نص ساعه
لما تلاقى الوش بدأ ياخد اللون الدهبى طلعيها
وتتسقى بالشربات البارد
وزينيها زى مانتى عايزه ممكن بالزبيب وجوز الهند

طريقة عمل الكيك الهش من مطبخي مع التزيين

لكمية تكفي 4 فرد
وقت التحضير 20 دقيقه
وقت الطهي 30 دقيقه
المقادير
3 كوب دقيق … 2 كوب سكر “سنترفيش ” … 1 كوب حليب … 1 كوب زبدة “في حراره الغرفه ”
4 بيضات .. رشه ملح .. فانيليا .. ملعقه باودر “كيك شيف”
التحضير

الطريقه الاول بجهز قالب الخبز
هنا استعملت السليكون
قالب مستدير مفرغ ومش عالي اوي
و واحد كب كيك
دهنته زبده و رشيته دقيق
ممكن تتلغي الخطوه دي عادي

ممكن قبل الشغل تسخني الفرن
او من نص الطريق و هتاخد وقت

في وعاء الخلط بضيف الزبدة و عليها السكر
وببدا أخفقهم بمضرب كهربي او يدوي

لحد ما تبقى كريميه

بضيف البيض جزء جزء
ضفت اول 2 بيض

وبعدين ثاني 2

وضربت لحد ما بقت هشه و اختفى البيض

ضفت الحليب وضربت تاني

ضفت الدقيق شويه شويه مع الضرب على سرعه هاديه
عشان مش يطلع الهوا وتبقى هشه

وهنا بعد الضرب بعد كامل كميه الدقيق

نصبها بالقوالب مش نملاها للاخر عشان بتعلى ويكون لها مساحه كويسه

بعد ما طلعت م الفرن

سبتها تبرد وبعدين شلتها م القوالب
الطهى
في صوص شوكليت تقيل ده من ميني تارت ع السريع

صوص التفاح بالكراميل
مقاديره
تفاح مقطع حسب الرغبه
سكر … زبدة … كريم لباني

ع النار التفاخ المتقطع

نضيف السكر ونسيبه لحد ما يبدا بالذوبان

مع تحريك الطاسه بس
معلش باقي الخطوات مش مصورة محتاجه مراقبه
بياخد وقت على ما يتغير لونه للذهبي لكن اول ما يوصل للمرحله دي
سهل يتنقل منها لكراميل محروق
وممكن مناطق مناطق تتحرق بسرعه حسب توزيع النار

اول ما يبقى ذهبي نضيف الكريمه مع التقليب … ثم الزبدة

زينه الفراولة

فراولة … جيلي … سكر

ع النار 2 كوب ماء و 2 ملعقه كبيره سكر

بعدين بضيف الجيلي وبقلب

بعد كده الفراولة مقطعه انصاف

واسيبه يبرد او يتكثف شوية مش يجمد تماما

 

Be the first to comment

Leave a Reply

شركة كشف تسربات بالرياض