سمك مشوي

طريقة عمل سمك بوري مشوي بالمنزل

الكمية تكفي 3 فرد
وقت التحضير 0 دقيقه
وقت الطهي 0 دقيقه
المقادير 1 كيلو سمك بوري اي حجم.
1/2 راس ثوم.
ملح.
كمون.
بهارات.
شطة.
ملعقة خل.
حبة طماطم صغيرة.
1/2 كوب عصير ليمون.
بصلة صغيرة.
التحضير يغسل السمك جيدا.
يرش عليه كمية مناسبة من الملح و يترك لساعتين.
يمسح صاج الفرن بقطعة قماش مبللة بالزيت.
يرص السمك على الصاج مباشرة في فرن ساخن جدا.
يترك السمك على احد جوانبه لمدة 10 دقائق.
ثم يقلب على الجانب الاخر لمدة 10 دقائق اخرى.
و هكذا حتى تلامس كل جوانب السمكة صاج الفرن.
اثناء شوي السمك يتم فرم الثوم و البصل و الطماطم مضافا اليهم كل مكونات التتبيلة.
اخرجي السمك من الفرن على ورقة الومونيوم كبيرة .
يسقى السمك بالتتبيلة و هو ساخن جدا.
تلف عليه ورقة الالومونيوم و تغلق باحكام ، و يترك في التتبيلة مدة ساعة قبل الاكل.
الطهى —
ملاحظات يجب لشوي السمك داخل فرن مطبخك ان يكون لديك مدخنة او شفاط ، حتى لا يعبأ مطبخك بالدخان المتصاعد من الفرن.

طريقة عمل سمك مشوي محشو بالخضار

الكمية تكفي 4 فرد
وقت التحضير 20 دقيقه
وقت الطهي 30 دقيقه
المقادير كيلو سمك ( النوع حسب الرغبة)
حبة من الفلفل الأحمر
حبة من الفلفل الأخضر
حبة من الفلفل الأصفر
جزرة مفرومة
2 حبة بصل مفروم
بقدونس وكزبرة
2 حبة ليمون
3 ملعقة خل
ثوم مفروم ناعماً
بهارات مطحونة ناعماً ( كزبرة ، فلفل، كمون، حب الهال ، قرفة ، ملح )
2 معلقة زيت ذرة لدهن السمك
التحضير – اغسلي السمك جيداً .
– افرمي البقدونس والكزبرة ناعماً , افرمي الفلفل إلى قطع صغيرة . – اخلطي البهارات مع الخضار المفرومة و الليمون و الخل .
الطهى – احشي السمك و دعيه يتتبل بالبهارات لمدة 4 ساعات على الأقل .- ادهني صاج بالزيت و ضعي عليه السمك و ادهني السمك بالزيت .- اشوي السمك في الفرن و دعيه حتى ينضج , قدميه ساخناً .

طريقة عمل سمك بوري مشوي

الكمية تكفي 2 فرد
وقت التحضير 10 دقيقه
وقت الطهي 30 دقيقه
المقادير 2 سمكه بورى
فصوص ثوم مفرومين
نص فلفلاية اخضر متقطع صغير
بصلاية صغيرة متقطعة صغير
ليمونتين متقطعين سلايسز
كمون وملح
التحضير —
الطهى طبعا بنضف السمك كويس وبنفتحه من الجنب ونضفه كويس جدا

ونجيب الثوم المفروم نتبله بملح وكمون وممكن شطة

ونحشي بيه السمك من جوه

ونجيب البصل والفلفل ونتبلهم بملح بسيط وكمون وبرضه نحشي السمك

وفي الاخر نحشي السمك بالليمون السلايسز

ممكن تسيبوه شوية في الثلاجة يتبل او ممكن تشوه علي طول

المهم

بنجهز الشوايه بتاعتنا سواء اللي بالكهرباء او الشبكة اللي بتتحط علي البوتاجاز ونسخنها كويس اوي

ونحط السمك عليها

ونقفل الشواية علي السمك

ونسيب السمك يتشوي علي نار متوسطة ونقلبه من وقت للتاني علي كل جنب
ممكن اثناء الشوي نضيف نقط زيت علي السمك عشان يدي ريحة الشوي المميزة

طريقة عمل سمك بلطي مشوي في البيت وسمك مرجان مقلي مقرمش

الكمية تكفي 4 فرد
وقت التحضير 30 دقيقه
وقت الطهي 30 دقيقه
المقادير 1
2
3
4
5
6
7
8
9
التحضير السمكالبلطي المشوي

ينظف بطن السمك والراس جيدا

ويترك من الخارج بدون تنظيف ويغسل جيدا بالماء والدقيق والملح والليمون

ممكن تشليه كده في الفريزر وفي اي وقت تحبي تشويه تطلعيه يفك وتكملي
يحشي بطن السمك بالخلطه

توم وفلفل اخضروشطه وملح وكمون وبهارات السمك

وليمون

يغطي السمك بالرده

السمك المرجان المقلي المقرمش

ينظف من الداخل والخارج جيدا وينظف بملح ودقيق وليمون

يتبل بملح وتوم وكمون وبهارات سمك وليمون كتير
الطهى
السمك البلطي المشوي

يسخن الفرن جاااااااااااااااامد جدا

يمسح الصاج بسيط خالص بنقطه زيت

ونحط السمك عليه اول ما نحط السمكه تعمل تششششششششششش

لو مش عملت كده يبقي لسه مش سخن كفايه

ونسيبه علي ناحيه واحده لحد ما يتشوي كويس ومش نقلبه الا لما يتشوي ويخلع من الصاج

علشان مش يتهري ويقلب علي الناحيه التانيهنعرف انه استوي لما يخلع من الصاج وكمان لو ضغطي علي عين السمكه مش تخرج منها ماء

ونزود علي الخلطه اللي حشينا بيها السمك طماطم وليمون وشويه ماء ونحطها في طبق جنب السمك وهو بيتشوي علشان تكون دافيه

مش تبرد السمك لما بنسقيه بيها واول ما يشوي نحطه في مصفاه ونحط عليه الدقه واللي مش بيحب الدقه يرشه بملح وكمون وشطه
وبسسسسسسس
ونشليه من المصفاه ونرصه في صنيه

سمك المرجان المقلي

يتبل السمك
ثم يوضع في دقيق وبقسماط

وسر القرمشه هوال بقسماط ويقلي في الزيت

يوضع في زيت حامي وبعد شويه نوطي عليه وهكذا لما نقلبه الناحيه التانيه

هيطلع مقرش وجميل

اللي بيحبه طري يقليه علي نار عاليه

ويقدم مع ارز اصفر او بني او احمر

وسلطات طحينه وسلطه خضرا

ملاحظات هنشوي علي صاج الفرن مش فوق علي العيون

اولا بياخد وقت اقل في الشوي وكميه سمك اكتر في المره الواحده

ومش بنبهدل البوتجاز من فوق وكل العيون

الصاج بتاع الفرن قطعه واحده بتتوسخ وتتنظف بسهوله وسرعه

وكده تقدري تشوي كل يوم من غير تعب

يوضع الصاج مباشره علي النار مع فتح باب الفرن اثناء الشوي

طريقة عمل سمك بوري مشوي

الكمية تكفي 4 فرد
وقت التحضير 30 دقيقه
وقت الطهي 25 دقيقه
المقادير سمك بوري
ردة
4 فص توم
شبت
نص طماطم
بصله صغيرة
قرن فلفل حار نار
ليمونة هندي
معلقة خل
كمون
التحضير نغسل السمك كويس
الطهى بعد غسل السمك
حطي عليه ردة
و استني لما الصاجة تبقي جمرة
طب تعرفي ازاي انها سخنت
اقولك يا سكرة اعملي اختبار صغير
رشة ردة خفيفة جدا و لو اسودت الردة بسرعة يبقي انتي كده صح
حطي السمك و تابعيه
اهو الجانب اللي تحت استوي نقلب بقي
واو ريحته روعه
جننتني
ناخد بالنا كويس من سوي الراس
اه مهم لازم نمصمص
و نسويه علي كل جنب
و لو مش متأكده انه استوي اعملي اختبار صغير هاتي خلة اسنان او عود كبريت و ارسيها في راس السمكة لو طلعت نضيفه يبقي كده تمام
لو فيه دم اتركيه شوية
و بعدين ننزل علي بتتبيتلي الجهنمية
السرية
و اوعو تزعلو مني انا آسفة نسيت اصورها
ننزل عليه و هو سخن نار بالتتبيلة التمام
و هي 4 فص توم
شبت
البشبت اصلا حبيب البحريات
نص طماطم
بصله صغيرة
قرن فلفل حار نار
ليمونة هندي
معلقة خل
كمون
و كله في الكبة و شمي احلي ريحة
و طبعا ملح
و غطيه علطول بورق سلفير
او 2 كيس بلاستيك
عشن يتكمر
و يعرق
وبالهناء والشفاء

 

Be the first to comment

Leave a Reply